睡眠習慣跟肌膚有好密切即關係，但很容易被人忽略！捱夜就係正常不過嘅香港人嘅生活，但日積月累捱夜，唔單止對身體造成負擔，就連肌膚都會頂唔順 !

暗瘡問題加劇

唔夠瞓會令皮膚乾燥，皮膚面層感覺到乾燥時，就會分泌油脂嚟中和，分泌過盛時，油脂就會積聚系毛孔𥚃面，令皮膚發炎，繼而長暗瘡或粉刺，所以「夜瞓會爆瘡」係有根據，睡眠不足導致體內毒素會一一在面上顯示出嚟！

毛孔粗大
皮脂腺分泌會變得非常旺盛，代謝不良引起囤積，令肌膚失去彈力，毛孔都變得越來越粗大呀

簡單來說，睡眠不足是一定會影響到皮膚狀況，女生們想護膚，保持最佳狀態，每日至少要有7至9小時的優質睡眠，盡量不要捱夜吖！

如何提高睡眠質素從而改善皮膚狀態？

晚上十時至凌晨二時睡覺
有研究指依段時間係獲得最佳既睡眠質素，可加快皮膚新陳代謝。我哋瞓著之後新陳代謝開始運行同促進身體既各個器官正常活動！

腹式呼吸法

採用腹式呼吸法，即吸氣時腹部膨脹，呼氣時腹部收縮，能調整五臟六腑功能，幫助入睡。

關燈睡覺

唔關燈瞓覺唔單止會影響睡眠質素，仲會影響皮膚嘅退黑素形成，因為褪黑素只可以系完全既黑暗下形成㗎！

暖水浸泡雙腿

臨瞓前，不妨多飲用暖水，同用暖水浸泡雙腿，幫助血氣運行，同時保持心情放鬆，以及避免用電子產品亦有助改善失眠問題。

正確睡姿

面向天花躺睡係最能夠放鬆身體，尤其脊椎兩側同腰間既肌肉都唔需要出力！

睡眠質素唔好會對肌膚造成很多壞影響㗎！大家不妨試試以上五個提高睡眠質素方法吖☺️